Gerðu á­rásir á tvo skóla og heimili fjöl­skyldu Haniyeh

Heilbrigðisyfirvöld á Gasa tilkynntu að fjórtán hafi látist þegar Ísraelsher sprengdi upp tvo skóla í Gasaborg í nótt. Síðar hafi tíu látist þegar herinn sprengdi upp hús í Shati flóttamannabúðunum skömmu eftir. 

Í húsinu bjó stórfjölskylda pólitíska Hamas-leiðtogans Ismail Haniyeh, sem áður var forsætisráðherra palestínsku heimastjórnarinnar en er nú búsettur í Katar. 

Þá tilkynntu heilbrigðisyfirvöld á Gasa að sjö hafi látist í sprenginum Ísraelshers á tjaldbúðir í borginni Khan Younis. Í heildina hafi 45 látist á Gasasvæðinu bara í dag. 

Ísraelsher lýsti því yfir að Hamas-liðar sem tekið hafa þátt í árásum á Ísrael hafi verið skotmörk árása næturinnar. Samtökin haldi til í skólum og sjúkrahúsum til að verja sig frá árásum Ísraelshers.

Hamas-samtökin hafa hafnað því að þau notist við skóla eða sjúkrahús undir hernaðaraðgerðir.