Fyrr­verandi þing­menn sækja um sendiherrastöðu

Þetta kemur fram á vef Stjórnarráðsins. Embætti sendiherra án staðarákvörðunar var auglýst á Starfatorgi í síðasta mánuði þar sem miklar og ítarlegar hæfniskröfur voru gerðar til umsækjenda. Þetta var í fyrsta sinn sem slík staða er auglýst laus til umsóknar en samkvæmt utanríkisráðuneytinu var auglýsingaskyldu komið á með lagabreytingu sem tók gildi árið 2021.

Sendiherrastaða var auglýst þann 26. nóvember en umsóknarfrestur rann út 10. desember síðastliðinn. Þrír umsækjendur drógu umsóknir sínar til baka. 

Umsækjendur eru eftirfarandi. 

• Aðalheiður Inga Þorsteinsdóttir, sendifulltrúi og fastafulltrúi
• Andri Lúthersson, sendifulltrúi og alþjóðafulltrúi
• Anna Hjartardóttir, sendifulltrúi og varaskrifstofustjóri
• Anna Katrín Vilhjálmsdóttir, sendifulltrúi og ráðgjafi
• Anna Pála Sverrisdóttir, sendiráðunautur og yfirmaður mannúðarmála
• Arnljótur Bjarki Bergsson, ráðgjafi
• Auðbjörg Halldórsdóttir, sendifulltrúi og fastafulltrúi
• Auður Edda Jökulsdóttir, sendifulltrúi og sérstakur erindreki
• Ásgeir Sigfússon, framkvæmdarstjóri
• Benedikt Höskuldsson, settur sendiherra
• Birgir Þórarinsson, fv. alþingismaður
• Bjarni Vestmann, sendifulltrúi og varnarmálafulltrúi
• Bryndís Kjartansdóttir, settur sendiherra
• Davíð Logi Sigurðsson, sendifulltrúi og deildarstjóri
• Elín Rósa Sigurðardóttir, sendifulltrúi og skrifstofustjóri
• Emil Breki Hreggviðsson, sendifulltrúi og deildarstjóri
• Eyjólfur Vilberg Gunnarsson, framkvæmdarstjóri
• Eyrún Ýr Hildar Þorleifsdóttir, starfsmannastjóri
• Finnur Þór Birgisson, sendifulltrúi og varamaður sendiherra
• Friðrik Jónsson, settur sendiherra
• Geir Oddsson, sendifulltrúi og fastafulltrúi
• Gísli Rafn Ólafsson, fv. alþingismaður
• Gunnlaug Guðmundsdóttir, sendifulltrúi og varamaður sendiherra
• Hlynur Guðjónsson, settur sendiherra
• Hreinn Pálsson, sendifulltrúi og mannauðsstjóri
• Hrund Hafsteinsdóttir, sendifulltrúi og lögfræðingur
• Hugi Ólafsson, skrifstofustjóri
• Höskuldur Þór Þórhallsson, lögfræðingur
• Ingólfur Friðriksson, sendifulltrúi og varaskrifstofustjóri
• Ingólfur Pálsson, yfirmaður tæknimála
• Jóhanna Bryndís Bjarnadóttir, sendifulltrúi og deildarstjóri
• Jón Erlingur Jónasson, sendifulltrúi og sérstakur erindreki
• Jónas Gunnar Allansson, sendifulltrúi og skrifstofustjóri
• Katrín Einarsdóttir, sendifulltrúi og prótókollsstjóri
• Kristján Guy Burgess, ráðgjafi
• María Mjöll Jónsdóttir, sendifulltrúi og skrifstofustjóri
• Matthías Geir Pálsson, sendifulltrúi og lögfræðingur
• Nína Björk Jónsdóttir, sendifulltrúi og skrifstofustjóri
• Ólöf Ragnarsdóttir, fréttamaður
• Pétur Gunnar Thorsteinsson, sendifulltrúi og aðalsamningamaður
• Ragnar Gísli Kristjánsson, sendifulltrúi og skrifstofustjóri
• Sesselja Sigurðardóttir, sendifulltrúi og skrifstofustjóri
• Sóley Kaldal, sérfræðingur
• Stefán Ingi Stefánsson, ráðgjafi
• Tómas Orri Ragnarsson, sendifulltrúi og deildarstjóri
• Veturliði Þór Stefánsson, sendifulltrúi og skrifstofustjóri
• Þórarinna Söebech, sendifulltrúi og varaskrifstofustjóri
• Þórður Sigtryggsson, varaframkvæmdarstjóri
• Þórhildur Sunna Ævarsdóttir, fv. alþingismaður

Í svari utanríkisráðuneytisins við svari fréttastofu segir að ekki þurfi að manna sendiherrastöður nú í vetur eða áður en árið er á enda. Ekki séu neinar stöður ómannaðar stendur.

„Reglubundnir flutningar sendiherra eða annarra forstöðumanna sendiskrifstofa taka jafnan formlega gildi 1. ágúst ár hvert. Flutningarnir eru ákveðnir fyrir áramót en það er ófrávíkjanleg regla í samskiptum ríkja að tilkynna ekki um fyrirhugaða flutninga forstöðumanna sendiskrifstofa fyrr en samþykki viðkomandi gistiríkja liggur fyrir.

Almennt kynnir ráðuneytið slíkar tilfærslur að vori, eftir að fyrrgreint samþykki liggur fyrir,“ segir í svari ráðuneytisins.

Sjá megi tilkynningu ráðuneytisins vegna flutninga þessa árs í tilkynningu á vef ráðuneytisins.