Innlent

Manndrápsmálið í Nes­kaup­stað og meint vil­yrði ráð­herra

Sólrún Dögg Jósefsdóttir skrifar
Kolbeinn Tumi Daðason fréttastjóri Vísis, Stöðvar 2 og Bylgjunnar les fréttirnar í kvöld sem eru í opinni í dagskrá.
Kolbeinn Tumi Daðason fréttastjóri Vísis, Stöðvar 2 og Bylgjunnar les fréttirnar í kvöld sem eru í opinni í dagskrá. Stöð 2

Heilbrigðisráðherra og dómsmálaráðherra skoða nú hvernig bæta megi úrræði fyrir nauðungarvistun. Maður, sem banaði hjónum í Neskaupstað í fyrrasumar, átti að vera í nauðungarvistun á þeim tíma en gekk laus. Rætt verður við ráðherra í kvöldfréttum Stöðvar 2, sem segja málið hörmulegt og endurspegla langvinnan vanda kerfisins.

Ásthildur Lóa Þórsdóttir, menntamálaráðherra, tekur fyrir að hún eða starfsmaður ráðuneytisins hafi um helgina gefið kennurum vilyrði fyrir launahækkunum en síðan dregið loforðið til baka. Orðrómur þess efnis hefur gengið um og hefur stjórnarandstaðan krafist svara frá forsætisráðherra.

Runólfur Þórhallsson sviðsstjóri hjá almannavörnum fer yfir aðgerðir viðbragðsaðila á meðan rauð viðvörun var í gildi, í beinni útsendingu. Við ræðum einnig við íbúa sveitarfélaga þar sem veðrið var sem verst, til dæmis á Stöðvarfirði.

Við verðum í beinni útsendingu frá hitafundi um flugvallarmálin í Vatnsmýri en Isavia hefur verið gert að loka annarri flugbrautinni í Reykjavík fyrir laugardag.

Við heyrum í handboltakappanum Degi Gautasyni, sem óvænt er orðinn leikmaður franska stórliðsins Montpellier. Og í Íslandi í dag verður nýr fjármálaráðherra heimsóttur og fer hann um víðan völl: Hann ræðir regnbogalitað fjölskyldumynstrið, afstöðu sína til afskipta ríkisins og áhuga á bílum.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið