Sorgar­saga móður, for­ljótir varð­turnar og Reynir Pétur í essinu sínu

Rætt verður við móður drengsins í kvöldfréttum Stöðvar 2, en hún lýsir algjöru úrræðaleysi, og harðri meðferð á syni sínum, sem hafi meðal annars verið vistaður í úrræði fyrir ungmenni með fíknivanda, þrátt fyrir að vera ekki fíkill sjálfur. 

Ríkislögreglustjóri segir af og frá að hún segi af sér, en fyrrverandi lögreglustjóri á Suðurnesjum kallaði eftir því fyrir helgi. Hún segir lögreglustjórann hljóta að verða að bera ábyrgð á orðum sínum.

Við segjum einnig frá umfangsmiklum árásum Rússa á Úkraínu í nótt, og fangaskipti sem urðu nokkrum klukkustundum síðar. Við heyrum frá arkítekt sem telur varðturna sem lögregla hefur komið upp í miðborginni vera forljóta.

Svo verður rætt við Reyni Pétur Ingvarsson, en í dag eru 40 ár frá því hann lagði af stað fótgangandi í hringferð um landið.