Fleiri börn deyja á Gasa og óttast um forn­minjar í Laugar­nesi

Laugarnesvinir, óformleg samtök fólks sem vilja vernda Laugarnestangann í Reykjavík, óttast að óafturkræfar skemmdir hafi verið unnar á fornminjum á Laugarnesi í framkvæmdum Veitna. Rætt verður við fulltrúa hópsins í kvöldfréttum Stöðvar 2, en til stendur að leggja lagnastokk á svæðinu. Veitur vilja þó meina að minjar séu ekki í hættu.

Um 50 jöklar hafa nú þegar horfið hér á landi og heldur hopun þeirra áfram að hraðast. Fagstjóri hjá Veðurstofunni segir einn fallegasta jökul Austurlands vera meðal næstu til að hverfa.

Í fréttatímanum lítum við einnig við á árlegri húðflúrsráðstefnu í Reykjavík og hittum bakara á Selfossi sem vann nýlega til gullverðlauna í alþjóðlegri keppni. 

Það er einnig þéttur pakki framundan í sportinu en systkinin Lovísa og Hilmar urðu bæði Íslandsmeistarar á dögunum, og urðu að vera í treyjum númer fimm.

Þetta og fleira í kvöldfréttum Stöðvar 2, Bylgjunnar og Vísis í opinni dagskrá klukkan 18:30.