Fótbolti

Hollendingar skoruðu átta

Runólfur Trausti Þórhallsson skrifar
Fengu nóg af færum.
Fengu nóg af færum. EPA-EFE/ANP KOEN VAN WEEL

Það verður ekki sagt að Holland hafi átt í teljandi vandræðum með Möltu þegar þjóðirnar mættust í undankeppni HM karla í knattspyrnu sem fram fer á næsta ári. Lokatölur í Groningen 8-0 Hollendingum í vil.

Memphis Depay kom heimamönnum yfir með marki af vítapunktinum strax á 9. mínútu. Aðeins sjö mínútum síðar hafði Memphis tvöfaldað forystuna, að þessu sinni eftir undirbúning Denzel Dumfries.

Virgil van Dijk bætti óvænt við þriðja markinu eftir frábæra sendingu Frenkie de Jong í gegnum vörn gestanna þegar aðeins tuttugu mínútur voru liðnar. Eftir þetta róaðist leikurinn talsvert og þurfti stuðningsfólk Hollands að bíða í dágóða stund eftir næsta marki.

Það var rétt rúmlega klukkustund liðin þegar Memphis gaf á Xavi Simons sem skoraði fjórða mark leiksins. Donyell Malen bætti við fimmta markinu á 74. mínútu og lagði svo sjálfur upp sjötta markið fjórum mínútum síðar, Noa Lang með það mark.

Malen skoraði svo annað mark sitt og sjöunda mark Hollands á stuttu síðar. Varnarmaðurinn Micky van de Ven skoraði áttunda markið í uppbótartíma. Lokatölur 8-0 og Holland unnið báða leiki sína til þessa í G-riðli.

Önnur úrslit

  • Finnland 2-1 Pólland
  • Lettland 1-1 Albanía
  • Rúmenía 2-0 Kýpur
  • San Marínó 0-4 Kýpur
  • Serbía 3-0 Andorra
Fótbolti HM 2026 í fótbolta

Mest lesið


Fleiri fréttir

Sjá meira


×

Mest lesið