Trump for­seti náðar fimm fyrrum leik­menn

Náðanirnar voru tilkynntar af Alice Marie Johnson, svokölluðum náðunarstjóra Hvíta hússins.

„Eins og fótboltinn minnir okkur á, byggist afburðaárangur á þrautseigju, reisn og hugrekki til að rísa aftur á fætur. Það sama gildir um þjóð okkar,“ skrifaði Alice Marie Johnson á samfélagsmiðlum og þakkaði Trump fyrir.

Johnson sagði að Jerry Jones, eigandi Dallas Cowboys, hefði „persónulega“ fært Newton fréttirnar en hann vann þrjá Super Bowl-titla með Kúrekunum.

Hvíta húsið hefur ekki gefið upp hvers vegna Trump náðaði leikmennina.

Klecko, fyrrverandi stjarna New York Jets, játaði sig sekan um meinsæri árið 1993 eftir að hafa logið að alríkiskviðdómi sem rannsakaði vátryggingasvik. Klecko, sem var varnarlínumaður, var tekinn inn í frægðarhöll atvinnumanna í fótbolta árið 2023. Hann var tvisvar sinnum valinn í All-Pro lið Associated Press og fjórum sinnum í Pro Bowl.

Newton, sóknarlínumaður, játaði sig sekan um alríkisákæru fyrir fíkniefnasmygl árið 2002 eftir að yfirvöld fundu tíu þúsund dollara í pallbíl hans auk 175 punda af marijúana í fylgdarbíl sem annar maður ók. Newton var tvisvar sinnum valinn í All-Pro liðið og sex sinnum í Pro Bowl.

Lewis, sem áður lék með Baltimore Ravens og Cleveland Browns, játaði sig sekan í fíkniefnamáli þar sem hann notaði farsíma til að reyna að koma á fíkniefnasölu skömmu eftir að hann var valinn fimmti í nýliðavali NFL árið 2000. Hlauparinn var einu sinni valinn í All-Pro liðið, einu sinni í Pro Bowl og útnefndur sóknarmaður ársins af AP árið 2003.

Henry játaði sig sekan um samsæri um kókaínsmygl árið 2009 fyrir að fjármagna fíkniefnahring sem flutti eiturlyfið milli Colorado og Montana. Hann var hlaupari fyrir þrjú lið og komst einu sinni í Pro Bowl.

Cannon, sem lék með Houston Oilers, Oakland Raiders og Kansas City Chiefs, játaði sig sekan um peningafalsun um miðjan níunda áratuginn eftir að röð slæmra fjárfestinga og skulda gerðu hann gjaldþrota.

Cannon var tvisvar sinnum valinn í All-Pro liðið og tvisvar í Pro Bowl. Hann vann einnig Heisman-bikarinn árið 1959 þegar hann lék með LSU-skólanum. Hann lést árið 2018.

Trump, sem er mikill íþróttaáhugamaður, náðaði fyrrverandi goðsögn New York Mets, Darryl Strawberry, vegna skattsvika og fíkniefnaákæra í nóvember.