Kristall Máni lagði upp en missti líka mark vegna VAR

Kristall Máni Ingason og Eggert Aron Guðmundsson voru í byrjunarliði Brann og Kjartan Kjartansson kom inn á sem varamaður fyrir Kristal í uppbótartíma. Eggert spilaði fyrstu 74 mínúturnar eða þar til Brann var komið 2-0 yfir.

Kristall Máni skoraði mark eftir fjórar mínútur en VAR-dómararnir dæmdu það af vegna rangstöðu.

Joachim Soltvedt kom Brann í 1-0 með marki beint út aukaspyrnu í uppbótartíma fyrri hálfleiks en þá voru gestirnir orðnir manni færri eftir að Martin Gjone fékk beint rautt spjald á 33. mínútu.

Kristall Máni lagði upp annað markið fyrir Noah Holm á 73. mínútu og Bård Finne skoraði síðan þriðja og síðasta markið í uppbótartíma.

Viðar Ari Jónsson spilaði allan leikinn fyrir Hamarkameratene.

Sævar Atli Magnusson var frá hjá Brann vegna ökklameiðsla.

Brann vann þarna sinn annan deildarsigur í röð en liðið situr í sjötta sæti, stigi fyrir ofan Frey Alexandersson og lærisveina hans í Rosenborg sem komust upp fyrir þá eftir sigur á Viking á föstudagskvöldið.