Besta deild kvenna

Olga frá út tímabilið?

Markadrottningin Olga Færseth, leikmaður knattspyrnuliðs ÍBV, meiddist illa á hné í æfingaleik og verður frá í nokkrar vikur. Hún missir því af fyrstu umferð Landsbankadeildar kvenna. Í versta falli eru liðbönd slitin og þá mun Olga ekkert spila með ÍBV í sumar sem er gríðarlegt áfall fyrir bikarmeistarana.

Sport 27. apríl 2005 00:01

Helena tekur við KR

Helena Ólafsdóttir, fyrrverandi landsliðsþjálfari í knattspyrnu, tekur við þjálfun meistaraflokks kvenna hjá KR af Írisi Eysteinsdóttur í sumar. Íris á von á barni í sumar og getur ekki stýrt liðinu út leiktíðina. Helena skoraði 222 mörk í 275 leikjum með meistaraflokki KR frá 1986 til 2001 og var fyrirliði fjögurra Íslandsmeistaraliða félagsins.</font />

Sport 26. febrúar 2005 00:01

Sigurlás þjálfar Eyjastúlkur

Sigurlás Þorleifsson hefur verið ráðinn þjálfari meistaraflokks kvenna ÍBV knattspyrnu. Sigurlás er margreyndur þjálfari, þjálfaði karlalið ÍBV og Stjörnunnar á sínum tíma og einnig kvennalið ÍBV með góðum árangri. Sigurlás tekur við af Heimi Hallgrímssyni sem gerði ÍBV að bikarmeisturum í sumar.

Sport 21. desember 2004 00:01

Guðrún Sóley í háskólaliði ársins

Guðrún Sóley Gunnarsdóttir, knattspyrnukona úr KR, hefur bætt enn einni fjöður í hatt sinn en hún var um helgina valin í háskólalið ársins í Bandaríkjunum. Guðrún varð sem kunnugt er háskólameistari með liði sínu Notre Dame fyrir skömmu.

Sport 20. desember 2004 00:01

15,8 milljónir til íslenskra liða

Knattspyrnusamband Evrópu hefur úthlutað 15,8 milljónum króna til íslenskra félagsliða en þetta er hluti af tekjum Meistaradeildarinnar og er eyrnamerkt barna- og unglingastarfi. Stjórn KSÍ hefur ákveðið að tekjurnar renni til félaga sem voru í Landsbankadeildinni 2002 og fær hvert þeirra 1.580 þúsund krónur í sinn hlut.

Sport 9. desember 2004 00:01

Markadrottningar KR enn á förum

Kvennalið KR í knattspyrnu hefur misst tvo markahæstu leikmenn sína frá því í sumar því Hólmfríður Magnúsdóttir hefur ákveðið að ganga til liðs við ÍBV og Guðlaug Jónsdóttir er á leiðinni til Breiðabliks.

Sport 5. nóvember 2004 00:01

Guðlaug og Þóra til Blika

Eins og greint var frá í fréttum Stöðvar 2 í gær þá  hefur landsliðskonan Guðlaug Jónsdóttir gengið til liðs við Breiðablik frá KR. Þá hefur íþróttadeildin heimildir fyrir því að landsliðsmarkvörðurinn Þóra B Helgadóttir ætli að spila með Breiðablik á næstu leiktíð.

Sport 2. nóvember 2004 00:01

Margrét Lára í Val

Það er ljóst að Íslandsmeistarar Vals í kvennafótboltanum ætla sér lítið annað en að verja titilinn á komandi tímabili. Þær hafa fengið Eyjastúlkuna Margréti Láru Viðarsdóttur í sínar raðir en Margrét Lára var valinn efnilegasti leikmaður Landsbankadeildar kvenna annað árið í röð fyrir skömmu auk þess sem hún var markahæst í deildinni í sumar.

Sport 29. október 2004 00:01

Halldóra hætt hjá KR

Halldóra Sigurðardóttir mun ekki halda áfram þjálfun kvennaliðs KR í knattspyrnu.

Sport 21. september 2004 00:01

Bikarinn til Eyja

Stelpurnar úr ÍBV voru rétt í þessu að tryggja sér bikarmeistaratitilinn í knattspyrnu með 2-0 sigri á Íslandsmeisturum Vals.

Sport 11. september 2004 00:01

ÍBV bikarmeistari

ÍBV tryggði sér bikarmeistaratitilinn í knattspyrnu í gærdag með sanngjörnum 2-0 sigri á Íslandsmeisturum Vals.

Sport 11. september 2004 00:01

Valsstúlkur enduðu með sigri

Lokaumferðin í Landsbankadeild kvenna í knattspyrnu var leikin í gær. Nýkrýndir Íslandsmeistarar Vals lögðu ÍBV að velli í Eyjum 3-1. FH vann Fjölni 2-1, Stjarnan skellti Blikum 4-1 og KR bar sigurorð af Þór/KA/KS 3-1.

Sport 6. september 2004 00:01

Mörg lítil markmið hjá Val

Elísabet Gunnarsdóttir skilaði Íslandsmeistaratitlinum á Hlíðarenda á sínu fyrsta ári með liðinu. "Ég held að við höfum sýnt í þessum leik að við erum vel að þessum titli komnar," sagði hún þegar titilinn var í höfn hjá Valsliðinu.

Sport 28. ágúst 2004 00:01

Valur Íslandsmeistari í dag?

Valur getur í dag tryggt sér Íslandsmeistaratitilinn í kvennaflokki í knattspyrnu í fyrsta sinn í fimmtán ár. Valur mætir Breiðabliki á Valsvellinum klukkan 14 en á sama tíma keppa Fjölnir og ÍBV. Valur hefur sex stiga forystu og nægir jafntefli, svo framarlega að ÍBV vinni Fjölni.

Sport 28. ágúst 2004 00:01

Valsstúlkur Íslandsmeistarar

Valsstúlkur urðu í dag Íslandsmeistarar í knattspyrnu þegar þær unnu Breiðablik 3-0 á heimavelli sínum á Hlíðarenda. Nína Ósk Kristinsdóttir, Dóra María Lárusdóttir og Kristín Ýr Bjarnadóttir skoruðu mörk Valsliðsins. Fimmtán ár eru liðin síðan Valur varð síðast Íslandsmeistari í meistaraflokki kvenna í knattspyrnu.

Sport 28. ágúst 2004 00:01

Valskonur vængjum þöndum

Valsmenn fjölmenntu á Hlíðarenda í gær og sá langþráða stund renna upp þegar Íris Andrésdóttir varð fyrsti fyrirliði knattspyrnuliða félagsins til að lyfta Íslandsmeistaratitlinum í fimmtán ár.

Sport 28. ágúst 2004 00:01

KSÍ aðhefst ekkert frekar

Forráðamenn KSÍ hafa ákveðið að aðhafast ekki frekar vegna atviks sem átti sér stað á leik KR og FH á KR-velli á dögunum í Landsbankadeild kvenna í knattspyrnu.

Sport 18. ágúst 2004 00:01

Einum sigri frá titlinum

Valsstúlkur eru aðeins einum sigri frá fyrsta Íslandsmeistaratitli sínum í 15 ár eftir 6–0 sigur á Fjölni á Hlíðarenda í gær. Valsliðið getur tryggt sér titilinn með sigri í síðasta heimaleik sínum sem er gegn Breiðabliki eftir tólf daga.

Sport 16. ágúst 2004 00:01

Samfélag stjarnanna

Ólympíuleikar Ólympíuþorpið í Aþenu er fyrir margra hluta sakir merkilegur staður. Þar búa hátt í 20 þúsund manns á meðan leikarnir fara fram – bæði íþróttamenn og fararstjórar. Þorpið var byggt sérstaklega fyrir Ólympíuleikana en að þeim loknum verða íbúðirnar á svæðinu seldar til fátækra heimamanna fyrir lága upphæð.

Sport 16. ágúst 2004 00:01

Þrenna Olgu í 7-0 sigri ÍBV

ÍBV vann sjötta heimaleik sinn í röð í Landsbankadeild kvenna í knattspyrnu í gær. Að þessu sinni unnu þær lið Þór/KA/KS 7-0 en ÍBV-liðið hefur skorað 7,7 mörk að meðaltali í leik á Hásteinsvellinum í sumar, minnst 6 mörk og mest 11 mörk. Olga Færseth skoraði þrennu í leiknum og hefur skorað í öllum 15 leikjum sínum á Hásteinsvellinum.

Sport 14. ágúst 2004 00:01

Fjórir leikir hjá konunum

Fjórir leikir eru í Landsbankadeild kvenna í knattspyrnu í kvöld. Þór/KA/KS fær efsta liðið Val í heimsókn á Akureyri, Stjarnan tekur á móti ÍBV, Fjölnir og Breiðablik eigast við og KR og FH. Leikirnir hefjast klukkan 19.

Sport 10. ágúst 2004 00:01

Allt óbreytt í kvennadeildinni

Efstu liðin unnu öll í 11. umferð Landsbankadeildar kvenna í knattspyrnu í gær og staðan breyttist ekkert í deildinni, hvorki á toppi né botni. Valskonur halda áfram fimm stiga forskoti og botnbaráttan er enn í einum hnút.

Sport 10. ágúst 2004 00:01

Valur styrkir stöðu sína

Valsstúlkur tryggðu stöðu sína á toppi Landsbankadeildar kvenna ennfrekar með öruggum sigri á Stjörnunni á Hlíðarenda í gær. Eins og við var að búast voru yfirburðir Vals miklir og þegar yfir lauk hafði liðið skorað sjö mörk gegn engu marki gestanna.

Sport 7. ágúst 2004 00:01

Olga skoraði fjögur gegn KR

Olga Færseth fór á kostum gegn sínum fyrrum félögum í KR í kvöld er þær heimsóttu hana til Eyja. Hún skoraði fjögur mörk og lagði grunninn að 6-2 sigri Eyjastúlkna.

Sport 6. ágúst 2004 00:01

FH sigraði Breiðablik

FH-stúlkur gerðu sér lítið fyrir í kvöld og lögðu Breiðablik í Kópavogi, 2-1.

Sport 6. ágúst 2004 00:01

Dregið í bikarnum hjá konunum

Dregið var í undanúrslitum bikarkeppninnar í knattspyrnu í hádeginu í dag.

Sport 6. ágúst 2004 00:01

Þór/KA/KS sótti stig í Krikann

Þór/KA/KS gerði góða ferð í Kaplakrikann þar sem þær sóttu stig gegn FH í Landsbankadeild kvenna.

Sport 26. júlí 2004 00:01

Stórsigur Breiðabliks á Akureyri

Blikastúlkur gerðu góða ferð til Akureyrar þegar þær lögðu stöllur sínar í Þór/KA/KS, 8-0, í leik liðanna í Landsbankadeild kvenna í kvöld.

Sport 19. júlí 2004 00:01

Fyrsti sigur Fjölnis

Fjölnisstúlkur unnu sinn fyrsta sigur í Landsbankadeild kvenna í kvöld þegar þær lögðu Stjörnustúlkur, 1-0, í Garðabæ.

Sport 19. júlí 2004 00:01

Verðlaunafé jafnað

KSÍ hefur fyrir tilstuðlan Landsbanka Íslands ákveðið að jafna verðlaunafé í Landsbankadeildum karla og kvenna en KSÍ hefur legið undir ámæli vegna þessa. Íslandsmeistarar í Landsbankadeild karla fengu eina milljón króna en Íslandsmeistari í Landsbankadeild kvenna 300.000 kr.

Sport 19. júlí 2004 00:01

Mest lesið