Comolli með góð sambönd

Damien Comolli, nýráðinn yfirmaður knattspyrnumála hjá Tottenham Hotspurs, segir að reynsla hans sem útsendari Arsenal eigi bara eftir að koma nýja klúbbnum hans vel í framtíðinni. "Mitt helsta hlutverk hjá félaginu er að koma auga á hæfileikamenn og koma þeim hingað til Tottenham," sagði Comolli. "Ég hef unnið við þetta í nokkurn tíma núna og hef mikið af tenglum um víða veröld. Þegar ég settist niður og fór að skoða hvað menn höfðu verið að gera hjá Tottenham, komst ég að því að þeir höfðu verið að skoða nokkra leikmenn sem ég hef ekki séð, en margir af þeim voru samt menn sem ég er vel kunnugur," sagði hann.