Íslensku stelpurnar kunna að halda upp á 100 leiki - myndir

Íslenska kvennalandsliðið í fótbolta tryggði sér bronsverðlaunin í Algarve-bikarnum með 2-1 sigri á Svíþjóð í leiknum um þriðja sætið í Portúgal í dag.

Tveir íslenskir leikmenn komust í hundrað leikja klúbbinn í ferðinni, fyrst markvörðurinn Þóra Björg Helgadóttir á móti Noregi og svo miðjumaðurinn Dóra María Lárusdóttir á móti Svíum í dag.

Íslensku stelpurnar kunna það að halda upp á 100 leiki því báðir leikirnir unnust og það á móti sterkum og sigursælum liðum.

Hilmar Þór Guðmundsson, starfsmaður KSÍ, er með stelpunum í Algarve-bikarnum og tók skemmtilegar myndir í leiknum í dag. Það er hægt að sjá þessar myndir bæði hér fyrir ofan og neðan.