Kanínurnar steinlágu fyrir toppliðinu

Svendborg Rabbits, lið Arnars Guðjónssonar, tapaði í kvöld fyrir toppliði Horsens í dönsku úrvalsdeildinni í körfubolta, 82-50.

Arnar tók nýverið við starfi aðalþjálfara Svendborg Rabbits eftir að Craig Pedersen, sem einnig er landsliðsþjálfari Íslands, steig til hliðar eftir langa veru hjá félaginu.

Sjá einnig: Pedersen hættir með Svendborg til að einbeita sér að Íslandi

Axel Kárason skoraði þrjú stig í leiknum en hann lék í rúmar 20 mínútur. Hann tók þrjú fráköst og gaf eina stoðsendingu.

Horsens, sem vann í kvöld sinn ellefta sigur í jafn mörgum leikjum á tímabilinu, tók forystuna snemma leiks og lét hana aldrei af hendi. Svendborg er í fórða sæti deildairnnar með tíu stig eftir ellefu leiki.