Leikurinn var í járnum allt frá fyrstu mínútu, en alls skiptust liðin 24 sinnum á að hafa forystuna. Gestirnir í Lakers höfðu nauma forystu þegar komið var að hálfleikshléinu, staðan 59-55.
Það sama var uppi á teningnum í síðari hálfleik, Toronto-liðið var ögn sterkara í þriðja leikhluta og leiddi með þremur stigum þegar aðeins örfáar sekúndur voru eftir af leiknum. Raptors-liðið var með boltann þegar rúmar fimm sekúndur voru til leiksloka, en Russel Westbrook stal boltanum og setti niður þrist þegar tæp sekúnda var á klukkunni og sá til þess að framlenging væri í vændum.
Í framlengingunni voru það liðsmenn Lakers sem reyndust sterkari og þeir unnu að lokum góðan fimm stiga sigur, 128-123. Fyrir leikinn í kvöld hafði Lakers tapað ellefu leikjum í röð á útivelli og því kærkominn sigur fyrir liðið.
LeBron James var stigahæsti maður vallarins með 36 stig fyrir Lakers. Hann tók einnig níu fráköst og gaf sjö stoðsendingar. Í liði Raptors var það Scottie Barnes sem var atkvæðamestur með 31 stig, 17 fráköst og sex stoðsendingar.
🏀 FINAL SCORE THREAD 🏀
— NBA (@NBA) March 19, 2022
Russ came up HUGE in the clutch in the @Lakers win, hitting the game-tying 3 in regulation to force OT!
Russell Westbrook: 22 PTS, 10 REB, 10 AST, 4 3PM
LeBron James: 36 PTS, 9 REB, 7 AST, 2 BLK
Scottie Barnes: 31 PTS (career high), 17 REB, 6 AST pic.twitter.com/S1m3KLm3Xb
Úrslit næturinnar
Dallas Mavericks 101-111 Philadelphia 76ers
Memphis Grizzlies 105-120 Atlanta Hawks
Portland Trailblazers 123-128 Brooklyn Nets
Denver Nuggets 116-119 Cleveland Cavaliers
Washington Wizards 97-100 New York Knicks
Los Angeles Lakers 128-123 Toronto Raptors
Oklahoma City Thunder 108-120 Miami Heat
Indiana Pacers 121-118 Houston Rockets
New Orelans Pelicans 124-91 San Antonio Spurs
Los Angeles Clippers 92-121 Utah Jazz
Chicago Bulls 102-129 Phoenix Suns
Boston Celtics 126-97 Sacramento Kings