Haraldur skammar Pawel: „Ömurlegt pólitískt útspil“ Valur Páll Eiríksson skrifar 12. september 2024 09:33 Haraldur (t.v.) er ekki parsáttur við skrif Pawels (t.h.) Vísir/Arnar/Samsett Haraldur Haraldsson, framkvæmdastjóri Víkings, virðist ekki parsáttur við skrif Pawels Bartoszek, varaborgarfulltrúa Viðreisnar, á Vísi í gær. Pawel birti skoðanapistil þar sem hann veltir upp vandræðum Víkinga vegna þátttöku þeirra í Sambandsdeild Evrópu, kröfurnar sem fylgja og kostnaðinn sem það ber í för með sér fyrir skattgreiðendur. Pawel bendir á það í pistli sínum að knattspyrnufélög hérlendis leitist, líkt og fólk flest, eftir því að lágmarka eigin útgjöld. Ein leið til slíks sé að aðrir greiði stofnkostnað þeirra rekstrar – fyrir knattspyrnuvelli til að mynda – sem sveitarfélög fjármagna að langstærstu leyti. „Réttlætingin fyrir þessu að þessi kostnaður kemur til vegna síaukinna „krafna“. Frá hverjum? Jú, jú, iðnaðinum sjálfum,“ segir Pawel og á þar við regluverk Knattspyrnusambands Evrópu, UEFA, sem gerir ríkulegar kröfur til leikvanga sem nýta má undir Evrópuleiki. „Stjórnmálamenn virðast almennt til í að samþykkja þetta upplegg. Ef þeir gera það ekki þá mæta ástríðufullir menn á sviðið og segja að stjórnvöld (les: skattgreiðendur) verði að „hundskast“ og „drullast“ til að „hysja upp um sig buxurnar“ og „sýna metnað“. Ef ekki þá muni liðið fara og spila á öðrum velli, í öðrum bæ, í öðru héraði, eða í öðru landi. „Vilja menn það?“ skrifar Pawel enn frekar. Hann telur upp margar þær kröfur sem UEFA gerir til Víkinga vegna komandi heimaleikja þeirra í Sambandsdeildinni. Þar má nefna aðskildar stúkur, lýsingu vegna sjónvarpsútsendinga og snúningshlið við innganga vallar. Lýsingin er helsta vandamálið sem Víkingar standa frammi fyrir. Starfsmenn félagsins standa í ströngu að fá undanþágur frá UEFA til að leikirnir geti farið fram hér á landi en ekki í Þórshöfn í Færeyjum. Til stendur að leigja ljósabúnað fyrir fleiri tugi milljóna og koma upp á Kópavogsvelli. Leigan á búnaðinum myndi nýtast í þrjá heimaleiki Víkings í Sambandsdeildinni; gegn Cercle Brugge 24. október, gegn Borac 7. nóvember og við Djurgården 12. desember. Ljóst er að kostnaðurinn mun nema tugum milljóna á hvern leik aðeins fyrir leiguna á ljósabúnaði, sem fer síðan aftur úr landi eftir þriðja leikinn í desember. „Það má alveg fjárfesta í íþróttamannvirkjum ef þessar fjárfestingar nýtast okkur. Upphitað gervigras eykur til dæmis nýtingu valla, líka vegna æfinga barna. En aðskildar stúkur, snúningshlið og flóðljós til að tryggja sjónvarpsútsendingar á nóttunni um vetur nýtast okkur ekki til neins nema til að uppfylla einhverjar tilbúnar „kröfur“ annarra. Kannski er kominn til að fara að setja spurningamerki við þær,“ er niðurlag greinar Pawels. Haraldur segir skrifin fjarri staðreyndum Haraldur Haraldsson, framkvæmdastjóri Víkings, hefur staðið í ströngu undanfarna viku, líkt og aðrir starfsmenn Víkings vegna málsins. Að auki hafa Þorvaldur Örlygsson, formaður KSÍ, Eysteinn Pétur Lárusson, framkvæmdastjóri sambandsins, og Jörundur Áki Sveinsson, yfirmaður knattspyrnusviðs, setið sveittir, að reyna að leysa málið með UEFA auk fulltrúa ríkis og borgar. Með það fyrir augum að leikir Víkings geti farið fram hér á landi. Endanlegrar niðurstöðu er að vænta eftir hádegið í dag. Haraldur svaraði Pawel á Facebook síðu þess síðarnefnda í gær. Skrif Pawels virðast hafa farið fyrir brjóstið á honum. Haraldur segir að hefði Reykjavíkurborg tekið til tillit til krafna UEFA til flóðlýsingar við byggingu heimavallar Fram í Úlfarsárdal væru Víkingar ekki í þessum sporum og gætu spilað leiki sína þar. „Ótrúleg vonbrigði að lesa þessa grein Pawel Bartoszek. Ekkert land í Evrópu býr við þessar aðstæður. Ekkert. Var að koma frá Andorra. 80þ manns. Nýr glæsilegur völlur fyrir 6000 áhorfendur tekinn í notkun næsta vor,“ segir Haraldur. „UEFA hefur ekki bannað að spila á Laugardalsvelli. Völlurinn lendir hins vegar undir framkvæmdum í haust. Trúi því að þú þekkir það. Kannski er ástæðan fyrir því að þú þekkir ekki staðreyndir sú að þú ert vara borgarfulltrúi í dag en ekki formaður málaflokksins líkt og áður. Það hefur ekkert mjakast. Ekkert,“ „Allar nýframkvæmdir mannvirkja eru gerðar m.t.t. lágmarkskrafna hverju sinni. Ef Framvöllurinn hefði fengið ljós sem uppfylla 1200/1400 LUX þá fullyrði ég að við værum ekki í þessum sporum meðan framkvæmdir í Laugardalnum klárast. Slíkt hefði kostað 40-50 mills aukalega,“ segir Haraldur sem skammar Pawel: „Þetta er ömurlegt pólitískt útspil og fjarri staðreyndum. Skamm.“ Víkingur Reykjavík Íslenski boltinn Reykjavík Sveitarstjórnarmál Sambandsdeild Evrópu UEFA Skipulag Fótbolti Mest lesið Allir leikmenn ÍR hættir á einu bretti Fótbolti Veittist að sautján ára mótherja sínum og hreytti í hann fúkyrðum Rafíþróttir Evrópa marði Ryder-bikarinn á dramatískan hátt Golf Ekki búið að ræða við mögulega eftirmenn Amorim Fótbolti „Ef menn trúa því getum við farið ansi langt“ Fótbolti Sjáðu endurkomusigur Arsenal og fyrsta mark Watkins Fótbolti „Til að vera með í einhverri baráttu þurfum við að sýna betri frammistöðu“ Fótbolti „Strætó númer 15 stoppar beint fyrir utan KR-völlinn“ Fótbolti „Strákarnir voru alltaf að stríða mér af því ég var ekki búinn að skora“ Fótbolti Uppgjörið: Stjarnan - Valur 90-89 | Stjarnan náði að halda út og er meistari meistaranna Körfubolti Fleiri fréttir Uppgjörið: Fram - Valur 2-0 | Titildraumar Vals að verða að engu „Við þurfum að horfa inn á við“ Uppgjörið: Afturelding - KA 3-2 | Heimamenn sluppu með sigurinn Uppgjörið: Vestri - ÍBV 0-5 | Enn syrtir í álinn hjá Vestra Gunnar Heiðar hættur með Njarðvík Ólafur aðstoðar Þorstein með landsliðið Nik hættir með Breiðablik og tekur við Kristianstad „Sætið tryggt og nú er að klára forsetabikarinn“ Uppgjörið: Keflavík - HK 4-0 | Keflavík í Bestu deildina Uppgjörið: Fram - FHL 4-0 | Framarar áfram í deild þeirra bestu Óskar svaraði syngjandi Skagamönnum: „Ekki fagna of mikið“ Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Uppgjörið: ÍA - KR 3-2 | Skagamenn á sigurbraut Rúnar gerir nýjan samning við Fram „Held að skipið sé siglt að maður verði kallaður í landsliðið“ „Lærðum það í fyrra hvað það er leiðinlegt að tapa“ Stórveldaslagur „upp á líf og dauða“ „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Sjá meira
Pawel bendir á það í pistli sínum að knattspyrnufélög hérlendis leitist, líkt og fólk flest, eftir því að lágmarka eigin útgjöld. Ein leið til slíks sé að aðrir greiði stofnkostnað þeirra rekstrar – fyrir knattspyrnuvelli til að mynda – sem sveitarfélög fjármagna að langstærstu leyti. „Réttlætingin fyrir þessu að þessi kostnaður kemur til vegna síaukinna „krafna“. Frá hverjum? Jú, jú, iðnaðinum sjálfum,“ segir Pawel og á þar við regluverk Knattspyrnusambands Evrópu, UEFA, sem gerir ríkulegar kröfur til leikvanga sem nýta má undir Evrópuleiki. „Stjórnmálamenn virðast almennt til í að samþykkja þetta upplegg. Ef þeir gera það ekki þá mæta ástríðufullir menn á sviðið og segja að stjórnvöld (les: skattgreiðendur) verði að „hundskast“ og „drullast“ til að „hysja upp um sig buxurnar“ og „sýna metnað“. Ef ekki þá muni liðið fara og spila á öðrum velli, í öðrum bæ, í öðru héraði, eða í öðru landi. „Vilja menn það?“ skrifar Pawel enn frekar. Hann telur upp margar þær kröfur sem UEFA gerir til Víkinga vegna komandi heimaleikja þeirra í Sambandsdeildinni. Þar má nefna aðskildar stúkur, lýsingu vegna sjónvarpsútsendinga og snúningshlið við innganga vallar. Lýsingin er helsta vandamálið sem Víkingar standa frammi fyrir. Starfsmenn félagsins standa í ströngu að fá undanþágur frá UEFA til að leikirnir geti farið fram hér á landi en ekki í Þórshöfn í Færeyjum. Til stendur að leigja ljósabúnað fyrir fleiri tugi milljóna og koma upp á Kópavogsvelli. Leigan á búnaðinum myndi nýtast í þrjá heimaleiki Víkings í Sambandsdeildinni; gegn Cercle Brugge 24. október, gegn Borac 7. nóvember og við Djurgården 12. desember. Ljóst er að kostnaðurinn mun nema tugum milljóna á hvern leik aðeins fyrir leiguna á ljósabúnaði, sem fer síðan aftur úr landi eftir þriðja leikinn í desember. „Það má alveg fjárfesta í íþróttamannvirkjum ef þessar fjárfestingar nýtast okkur. Upphitað gervigras eykur til dæmis nýtingu valla, líka vegna æfinga barna. En aðskildar stúkur, snúningshlið og flóðljós til að tryggja sjónvarpsútsendingar á nóttunni um vetur nýtast okkur ekki til neins nema til að uppfylla einhverjar tilbúnar „kröfur“ annarra. Kannski er kominn til að fara að setja spurningamerki við þær,“ er niðurlag greinar Pawels. Haraldur segir skrifin fjarri staðreyndum Haraldur Haraldsson, framkvæmdastjóri Víkings, hefur staðið í ströngu undanfarna viku, líkt og aðrir starfsmenn Víkings vegna málsins. Að auki hafa Þorvaldur Örlygsson, formaður KSÍ, Eysteinn Pétur Lárusson, framkvæmdastjóri sambandsins, og Jörundur Áki Sveinsson, yfirmaður knattspyrnusviðs, setið sveittir, að reyna að leysa málið með UEFA auk fulltrúa ríkis og borgar. Með það fyrir augum að leikir Víkings geti farið fram hér á landi. Endanlegrar niðurstöðu er að vænta eftir hádegið í dag. Haraldur svaraði Pawel á Facebook síðu þess síðarnefnda í gær. Skrif Pawels virðast hafa farið fyrir brjóstið á honum. Haraldur segir að hefði Reykjavíkurborg tekið til tillit til krafna UEFA til flóðlýsingar við byggingu heimavallar Fram í Úlfarsárdal væru Víkingar ekki í þessum sporum og gætu spilað leiki sína þar. „Ótrúleg vonbrigði að lesa þessa grein Pawel Bartoszek. Ekkert land í Evrópu býr við þessar aðstæður. Ekkert. Var að koma frá Andorra. 80þ manns. Nýr glæsilegur völlur fyrir 6000 áhorfendur tekinn í notkun næsta vor,“ segir Haraldur. „UEFA hefur ekki bannað að spila á Laugardalsvelli. Völlurinn lendir hins vegar undir framkvæmdum í haust. Trúi því að þú þekkir það. Kannski er ástæðan fyrir því að þú þekkir ekki staðreyndir sú að þú ert vara borgarfulltrúi í dag en ekki formaður málaflokksins líkt og áður. Það hefur ekkert mjakast. Ekkert,“ „Allar nýframkvæmdir mannvirkja eru gerðar m.t.t. lágmarkskrafna hverju sinni. Ef Framvöllurinn hefði fengið ljós sem uppfylla 1200/1400 LUX þá fullyrði ég að við værum ekki í þessum sporum meðan framkvæmdir í Laugardalnum klárast. Slíkt hefði kostað 40-50 mills aukalega,“ segir Haraldur sem skammar Pawel: „Þetta er ömurlegt pólitískt útspil og fjarri staðreyndum. Skamm.“
Víkingur Reykjavík Íslenski boltinn Reykjavík Sveitarstjórnarmál Sambandsdeild Evrópu UEFA Skipulag Fótbolti Mest lesið Allir leikmenn ÍR hættir á einu bretti Fótbolti Veittist að sautján ára mótherja sínum og hreytti í hann fúkyrðum Rafíþróttir Evrópa marði Ryder-bikarinn á dramatískan hátt Golf Ekki búið að ræða við mögulega eftirmenn Amorim Fótbolti „Ef menn trúa því getum við farið ansi langt“ Fótbolti Sjáðu endurkomusigur Arsenal og fyrsta mark Watkins Fótbolti „Til að vera með í einhverri baráttu þurfum við að sýna betri frammistöðu“ Fótbolti „Strætó númer 15 stoppar beint fyrir utan KR-völlinn“ Fótbolti „Strákarnir voru alltaf að stríða mér af því ég var ekki búinn að skora“ Fótbolti Uppgjörið: Stjarnan - Valur 90-89 | Stjarnan náði að halda út og er meistari meistaranna Körfubolti Fleiri fréttir Uppgjörið: Fram - Valur 2-0 | Titildraumar Vals að verða að engu „Við þurfum að horfa inn á við“ Uppgjörið: Afturelding - KA 3-2 | Heimamenn sluppu með sigurinn Uppgjörið: Vestri - ÍBV 0-5 | Enn syrtir í álinn hjá Vestra Gunnar Heiðar hættur með Njarðvík Ólafur aðstoðar Þorstein með landsliðið Nik hættir með Breiðablik og tekur við Kristianstad „Sætið tryggt og nú er að klára forsetabikarinn“ Uppgjörið: Keflavík - HK 4-0 | Keflavík í Bestu deildina Uppgjörið: Fram - FHL 4-0 | Framarar áfram í deild þeirra bestu Óskar svaraði syngjandi Skagamönnum: „Ekki fagna of mikið“ Uppgjörið: FH - Breiðablik 1-1 | Fjörugum og viðburðarríkum leik lauk með jafntefli í Krikanum Uppgjörið: ÍA - KR 3-2 | Skagamenn á sigurbraut Rúnar gerir nýjan samning við Fram „Held að skipið sé siglt að maður verði kallaður í landsliðið“ „Lærðum það í fyrra hvað það er leiðinlegt að tapa“ Stórveldaslagur „upp á líf og dauða“ „Held við séum búnir að sjúga karamelluna nægilega mikið“ Lofar æðislegum leik Arnar ekki áfram með Fylki Sjáðu Stjörnuna stöðva partýið, bombur Bergdísar og dramað í Dalnum Sjáðu brotið sem Blikar eru brjálaðir yfir Uppgjörið: Þór/KA - Tindastóll 3-0 | Þægilegt hjá Þór/KA Úr svartnætti í sólarljós „Mjög ljót meiðsli eftir slæma og óþarfa tæklingu“ Uppgjörið: Þróttur - Víkingur 3-2 | Dramatík í Dalnum Uppgjörið: FH - Valur 1-1 | Allt jafnt og Blikar nær titli Spilaði fyrsta leikinn í tvö ár: „Er í gervigrasskóm og hef ekki snert gras síðan 2023“ Högg fyrir KR-inga í fallbaráttunni Uppgjörið: Breiðablik - Stjarnan 1-2 | Stjarnan vann sanngjarnt og titillinn bíður betri tíma Sjá meira