Burðar­ás snýr aftur norður en bíður fyrst eftir barni

Aldís Ásta, sem er 26 ára að aldri, varð bæði Svíþjóðarmeistari og deildarmeistari með Skara HF og í stóru hlutverki þar, rétt eins og hjá KA/Þór áður en hún ákvað að halda út.

Hún lék sína fyrsti leiki fyrir KA/Þór ung að árum fyrir rúmum áratug, veturinn 2014-15, og lék alls 170 keppnisleiki fyrir liðið áður en hún gekk í raðir Skara haustið 2022.

Ljóst er að miklar vonir eru bundnar við Aldísi Ástu á Akureyri í ljósi þess sem hún hefur afrekað, þó að sýna þurfi þolinmæði enda gengur hún með sitt fyrsta barn. Hún fór á sínum tíma fyrir liði KA/Þórs sem hampaði öllum titlum sem í boði voru er liðið varð Íslands-, bikar- og deildarmeistari auk þess að verða Meistari meistaranna. Aldís skoraði meðal annars sigurmarkið í báðum úrslitaleikjum KA/Þórs gegn Val í baráttunni um Íslandsmeistaratitilinn.

Þá hefur hún leikið nokkra landsleiki fyrir A-landslið Íslands auk fjölda leikja fyrir yngri landsliðin en Aldís lék meðal annars á HM í Ungverjalandi með U20 ára landsliðinu.