Lítið um skipti á lokadögum félagaskiptagluggans Jón Már Ferro skrifar 25. apríl 2023 09:00 Breiðablik er helst til með of marga leikmenn. vísir/Hulda margrét Félagskiptagluggin lokar á miðnætti annað kvöld og ólíklegt er að margar hræringar í viðbót verði fyrir lok gluggans. Félagsskiptaglugginn í ár er með breyttu sniði frá undanförnum árum eftir að breytingar voru samþykktar 1. nóvember síðastliðinn. Nú verður glugginn opinn frá 2. febrúar til 26. apríl og frá 18. júlí til 15. ágúst. Í fyrra var glugginn opinn frá 17. febrúar til 11. maí og frá 29. júní til 26. júlí. Víkingur Arnar Gunnlaugsson hefur brosað hringinn það sem af er tímabili.Vísir/Hulda Margrét Víkingar hafa byrjað mótið vel, eru með fullt hús stiga eftir þrjá leiki og eru með gríðarlega sterkan hóp. Í kjölfar krossbandaslita Kyle McLagan fékk liðið hinn færeyska Gunnar Vatnhamar sem getur leikið á miðjunni og í stöðu miðvarðar. Í samtali við Vísi segist Kári Árnason ekki búast við leikmanni fyrir lok félagsskiptagluggans en að þeir væru alltaf opnir fyrir því að fá unga og efnilega leikmenn til framtíðar. Valur Valsmenn eru sáttir með leikmannahóp sinn en hafa þó verið óheppnir með meiðsli í upphafi móts. Elfar Freyr Helgason og Hólmar Örn Eyjólfsson mynduðu miðvarðarpar Vals á undirbúningstímabilinu en hafa ekki spilað saman í upphafi Bestu deildarinnar. Orri Sigurður Ómarsson er ennþá að jafna sig á krossbandaslitum sem hann varð fyrir rétt fyrir síðasta tímabil. Hlíðarendapiltar eru með 6 stig að þremur leikjum loknum. KA Sævar Pétursson segir að leikmannahópur KA sé vel mannaður og að þeir muni skoða leikmannamál frekar í sumarglugganum sem opnar 18. júlí. KA hefur byrjað á tveimur jafnteflum og einum sigri í fyrstu þremur leikjum tímabilsins. KR KR-ingar eru sáttir.Vísir/Hulda Margrét KR-ingar eru ánægðir með hópinn sinn og sagðist Bjarni Guðjónsson ekki búast við öðrum leikmönnum til félagsins að svo stöddu. Vesturbæingar voru einstaklega óheppnir með meiðsli lykilmanna í fyrra en núna er einungis Grétar Snær Gunnarsson smávægilega meiddur en hann ætti að verða tilbúinn eftir um tvær vikur. Mótið hefur farið vel af stað fyrir KR-inga sem eru með sex stig eftir þrjá leiki. HK Ómar Ingi Guðmundsson, þjálfari HK, segir að félagið sé í leit að liðsstyrk. Hins vegar sé það undir öðrum félögum komið hvort þeir nái að styrkja sig fyrir lok félagsskiptagluggans. Arnar Freyr Ólafsson og félagar í HK hafa byrjað mótið ágætlega þrátt fyrir tap í Garðabænum á mánudag.vísír/Hulda margrét FH Davíð Þór Viðarsson segist ánægður með leikmannahóp FH og að ekki megi búast við breytingum fyrir lok gluggans. Þrátt fyrir það séu leikmenn sem gætu verið ósáttir með að vera utan hóps í upphafi tímabils og gætu farið á láni. vísir/Hulda margrét Keflavík Sigurður Ragnar Eyjólfsson, þjálfari Keflvíkinga, er ánægður með leikmannahóp sinn og býst frekar við því að einn til tveir leikmenn gætu farið frá félaginu á láni. Annar þeirra er sóknarmaðurinn, Helgi Þór Jónsson, sem hefur verið utan hóps í fyrstu þremur leikjum tímabilsins. Breiðablik Patrik Johannesen er einn þeirra leikmanna sem Breiðablik sótti í vetur.Vísir/Hulda Margrét Ólafur Kristjánsson, yfirmaður knattspyrnumála hjá Breiðabliki, staðfesti að engir leikmenn kæmu til félagsins en sagði að leikmenn gætu farið á láni frá félaginu. Hingað til hafa leikmenn verið utan hóps hjá Breiðablik sem kæmust í flest byrjunarlið annarra liða í Bestu deildinni. Markmið félagsins eru hins vegar stór í Bestu deildinni, Mjólkurbikarnum og Evrópukeppnum svo álagið gæti orðið mikið. ÍBV ÍBV náði í sinn fyrsta sigur gegn Íslandsmeisturum Breiðabliks í fyrradag. Í samtali við Fotbolta.net sagði Hermann Hreiðarsson, þjálfari ÍBV, að tveir leikmenn frá Jamaíka væru á leið til félagsins. Richard King er 21 árs gamall varnarmaður sem spilað hefur sjö landsleiki og Dwayne Atkinson er tvítugur framherji sem hefur spilað einn landsleik. Jafnframt viðurkenndi hann að hópurinn sem hóf mótið hafi verið of lítill. Liðið var til að mynda ekki með fullskipaðan bekk á móti KA í annarri umferð. Fram Framarar hafa byrjað mótið á tveimur jafnteflum og tapi í fyrstu þremur leikjunum. Í fyrra gerðu þeir tíu jafntefli og vilja líklegast snúa einhverjum þeirra yfir í sigur. Til þess þurfa þeir meiri stöðugleika í vörnina ef marka má síðasta tímabil en þeir fengu á sig næstflest mörk á sig í deildinni. Einungis Skagamenn fengu á sig fleiri mörk en þeir féllu. Fylkir Þjálfari Fylkis, Rúnar Páll Sigmundsson, hefur áður sagst vera ánægður með leikmannahóp sinn og ekki er að búast við nýjum leikmönnum í Árbænum. Árbæingar töpuðu fyrstu tveimur leikjunum en unnu þann þriðja á móti FH. Sigurinn á móti FH styrkir líklega enn betur hugmyndir Rúnars um að þeir þurfi ekki fleiri leikmenn. Fylkir og Keflavík munu eflaust berjast í neðri hluta Bestu deildarinnar.vísir/Pawel Cieslikiewicz Stjarnan Stjarnan hafði ekki skorað þangað til kom að leiknum gegn HK í gærkvöldi þar sem liðið skoraði 5 mörk. Stjarnan er án síns helsta framherjan, Emils Atlasonar, um þessar mundir en hann er frá vegna meiðsla. Það skiptir ekki öllu máli ef aðrir leikmenn stíga upp líkt og í gær. Besta deild karla Víkingur Reykjavík Valur KA KR HK FH Keflavík ÍF Breiðablik ÍBV Fram Fylkir Stjarnan Mest lesið „Horft illum augum á þannig taktík í hlaupaheiminum“ Sport Eins og kleina þegar hún upplifði martröð spyrilsins Fótbolti Tilfinningaþrungin stund þegar Magnús Máni kom í mark Sport Allt jafnt í Fulham og bæði lið bíða enn eftir fyrsta sigri Enski boltinn Yfirgaf æfingaferð Marseille í áfalli Fótbolti Uppgjörið: KA - Fram 2-0 | Sanngjarn sigur heimamanna Íslenski boltinn Onana með í dag en Man. Utd að landa markverði Enski boltinn Pólverjar bæta við sig Kana fyrir EM Körfubolti Arnar og Bjarki unnu golfmót Golf Uppgjörið: FH - ÍBV 1-1 | Alvöru dramatík í uppbótartíma Íslenski boltinn Fleiri fréttir Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Uppgjörið: FH - ÍBV 1-1 | Alvöru dramatík í uppbótartíma Sjáðu mark Júlíusar í Svíþjóð Uppgjörið: KA - Fram 2-0 | Sanngjarn sigur heimamanna Daníel skoraði gegn Víkingsbönum Sætur sigur í fyrsta leik Ísaks í efstu deild Þýskalands Allt jafnt í Fulham og bæði lið bíða enn eftir fyrsta sigri María gaf tóninn í sigri eftir átta töp í röð Fullkomin byrjun Everton á nýja heimilinu Áfram í marki Man. Utd eftir mistökin Sjálfsmark skráð á Elías sem fagnaði sigri Kristján tekinn við liði í Portúgal Eins og kleina þegar hún upplifði martröð spyrilsins Onana með í dag en Man. Utd að landa markverði Sjáðu Brynjólf skora gegn meisturum PSV Kom inn á fyrir Dag, skoraði og kýldi mótherja Sjáðu markaveislu Arsenal og fullkomna byrjun Tottenham Guðlaugur Victor til Danmerkur á ný Yfirgaf æfingaferð Marseille í áfalli Keflvíkingar létu mörkunum rigna gegn Völsungi Sjálfsmark í blálokin bjargaði Börsungum Þórsarar á toppinn Orðinn langþreyttur á glímunni við Útlendingastofnun Eze í treyju númer tíu og byrjar á stórleik við Liverpool Þrír leikir í enska: Draumabyrjun Outtara en gömlu félagarnir unnu líka Öruggur sigur Arsenal á nýliðunum Þróttur fær tvo tíma á toppnum og Fylkir úr fallsæti Ronaldo þarf enn að bíða eftir titli þrátt fyrir tímamótamark Sjá meira
Félagsskiptaglugginn í ár er með breyttu sniði frá undanförnum árum eftir að breytingar voru samþykktar 1. nóvember síðastliðinn. Nú verður glugginn opinn frá 2. febrúar til 26. apríl og frá 18. júlí til 15. ágúst. Í fyrra var glugginn opinn frá 17. febrúar til 11. maí og frá 29. júní til 26. júlí. Víkingur Arnar Gunnlaugsson hefur brosað hringinn það sem af er tímabili.Vísir/Hulda Margrét Víkingar hafa byrjað mótið vel, eru með fullt hús stiga eftir þrjá leiki og eru með gríðarlega sterkan hóp. Í kjölfar krossbandaslita Kyle McLagan fékk liðið hinn færeyska Gunnar Vatnhamar sem getur leikið á miðjunni og í stöðu miðvarðar. Í samtali við Vísi segist Kári Árnason ekki búast við leikmanni fyrir lok félagsskiptagluggans en að þeir væru alltaf opnir fyrir því að fá unga og efnilega leikmenn til framtíðar. Valur Valsmenn eru sáttir með leikmannahóp sinn en hafa þó verið óheppnir með meiðsli í upphafi móts. Elfar Freyr Helgason og Hólmar Örn Eyjólfsson mynduðu miðvarðarpar Vals á undirbúningstímabilinu en hafa ekki spilað saman í upphafi Bestu deildarinnar. Orri Sigurður Ómarsson er ennþá að jafna sig á krossbandaslitum sem hann varð fyrir rétt fyrir síðasta tímabil. Hlíðarendapiltar eru með 6 stig að þremur leikjum loknum. KA Sævar Pétursson segir að leikmannahópur KA sé vel mannaður og að þeir muni skoða leikmannamál frekar í sumarglugganum sem opnar 18. júlí. KA hefur byrjað á tveimur jafnteflum og einum sigri í fyrstu þremur leikjum tímabilsins. KR KR-ingar eru sáttir.Vísir/Hulda Margrét KR-ingar eru ánægðir með hópinn sinn og sagðist Bjarni Guðjónsson ekki búast við öðrum leikmönnum til félagsins að svo stöddu. Vesturbæingar voru einstaklega óheppnir með meiðsli lykilmanna í fyrra en núna er einungis Grétar Snær Gunnarsson smávægilega meiddur en hann ætti að verða tilbúinn eftir um tvær vikur. Mótið hefur farið vel af stað fyrir KR-inga sem eru með sex stig eftir þrjá leiki. HK Ómar Ingi Guðmundsson, þjálfari HK, segir að félagið sé í leit að liðsstyrk. Hins vegar sé það undir öðrum félögum komið hvort þeir nái að styrkja sig fyrir lok félagsskiptagluggans. Arnar Freyr Ólafsson og félagar í HK hafa byrjað mótið ágætlega þrátt fyrir tap í Garðabænum á mánudag.vísír/Hulda margrét FH Davíð Þór Viðarsson segist ánægður með leikmannahóp FH og að ekki megi búast við breytingum fyrir lok gluggans. Þrátt fyrir það séu leikmenn sem gætu verið ósáttir með að vera utan hóps í upphafi tímabils og gætu farið á láni. vísir/Hulda margrét Keflavík Sigurður Ragnar Eyjólfsson, þjálfari Keflvíkinga, er ánægður með leikmannahóp sinn og býst frekar við því að einn til tveir leikmenn gætu farið frá félaginu á láni. Annar þeirra er sóknarmaðurinn, Helgi Þór Jónsson, sem hefur verið utan hóps í fyrstu þremur leikjum tímabilsins. Breiðablik Patrik Johannesen er einn þeirra leikmanna sem Breiðablik sótti í vetur.Vísir/Hulda Margrét Ólafur Kristjánsson, yfirmaður knattspyrnumála hjá Breiðabliki, staðfesti að engir leikmenn kæmu til félagsins en sagði að leikmenn gætu farið á láni frá félaginu. Hingað til hafa leikmenn verið utan hóps hjá Breiðablik sem kæmust í flest byrjunarlið annarra liða í Bestu deildinni. Markmið félagsins eru hins vegar stór í Bestu deildinni, Mjólkurbikarnum og Evrópukeppnum svo álagið gæti orðið mikið. ÍBV ÍBV náði í sinn fyrsta sigur gegn Íslandsmeisturum Breiðabliks í fyrradag. Í samtali við Fotbolta.net sagði Hermann Hreiðarsson, þjálfari ÍBV, að tveir leikmenn frá Jamaíka væru á leið til félagsins. Richard King er 21 árs gamall varnarmaður sem spilað hefur sjö landsleiki og Dwayne Atkinson er tvítugur framherji sem hefur spilað einn landsleik. Jafnframt viðurkenndi hann að hópurinn sem hóf mótið hafi verið of lítill. Liðið var til að mynda ekki með fullskipaðan bekk á móti KA í annarri umferð. Fram Framarar hafa byrjað mótið á tveimur jafnteflum og tapi í fyrstu þremur leikjunum. Í fyrra gerðu þeir tíu jafntefli og vilja líklegast snúa einhverjum þeirra yfir í sigur. Til þess þurfa þeir meiri stöðugleika í vörnina ef marka má síðasta tímabil en þeir fengu á sig næstflest mörk á sig í deildinni. Einungis Skagamenn fengu á sig fleiri mörk en þeir féllu. Fylkir Þjálfari Fylkis, Rúnar Páll Sigmundsson, hefur áður sagst vera ánægður með leikmannahóp sinn og ekki er að búast við nýjum leikmönnum í Árbænum. Árbæingar töpuðu fyrstu tveimur leikjunum en unnu þann þriðja á móti FH. Sigurinn á móti FH styrkir líklega enn betur hugmyndir Rúnars um að þeir þurfi ekki fleiri leikmenn. Fylkir og Keflavík munu eflaust berjast í neðri hluta Bestu deildarinnar.vísir/Pawel Cieslikiewicz Stjarnan Stjarnan hafði ekki skorað þangað til kom að leiknum gegn HK í gærkvöldi þar sem liðið skoraði 5 mörk. Stjarnan er án síns helsta framherjan, Emils Atlasonar, um þessar mundir en hann er frá vegna meiðsla. Það skiptir ekki öllu máli ef aðrir leikmenn stíga upp líkt og í gær.
Besta deild karla Víkingur Reykjavík Valur KA KR HK FH Keflavík ÍF Breiðablik ÍBV Fram Fylkir Stjarnan Mest lesið „Horft illum augum á þannig taktík í hlaupaheiminum“ Sport Eins og kleina þegar hún upplifði martröð spyrilsins Fótbolti Tilfinningaþrungin stund þegar Magnús Máni kom í mark Sport Allt jafnt í Fulham og bæði lið bíða enn eftir fyrsta sigri Enski boltinn Yfirgaf æfingaferð Marseille í áfalli Fótbolti Uppgjörið: KA - Fram 2-0 | Sanngjarn sigur heimamanna Íslenski boltinn Onana með í dag en Man. Utd að landa markverði Enski boltinn Pólverjar bæta við sig Kana fyrir EM Körfubolti Arnar og Bjarki unnu golfmót Golf Uppgjörið: FH - ÍBV 1-1 | Alvöru dramatík í uppbótartíma Íslenski boltinn Fleiri fréttir Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Uppgjörið: FH - ÍBV 1-1 | Alvöru dramatík í uppbótartíma Sjáðu mark Júlíusar í Svíþjóð Uppgjörið: KA - Fram 2-0 | Sanngjarn sigur heimamanna Daníel skoraði gegn Víkingsbönum Sætur sigur í fyrsta leik Ísaks í efstu deild Þýskalands Allt jafnt í Fulham og bæði lið bíða enn eftir fyrsta sigri María gaf tóninn í sigri eftir átta töp í röð Fullkomin byrjun Everton á nýja heimilinu Áfram í marki Man. Utd eftir mistökin Sjálfsmark skráð á Elías sem fagnaði sigri Kristján tekinn við liði í Portúgal Eins og kleina þegar hún upplifði martröð spyrilsins Onana með í dag en Man. Utd að landa markverði Sjáðu Brynjólf skora gegn meisturum PSV Kom inn á fyrir Dag, skoraði og kýldi mótherja Sjáðu markaveislu Arsenal og fullkomna byrjun Tottenham Guðlaugur Victor til Danmerkur á ný Yfirgaf æfingaferð Marseille í áfalli Keflvíkingar létu mörkunum rigna gegn Völsungi Sjálfsmark í blálokin bjargaði Börsungum Þórsarar á toppinn Orðinn langþreyttur á glímunni við Útlendingastofnun Eze í treyju númer tíu og byrjar á stórleik við Liverpool Þrír leikir í enska: Draumabyrjun Outtara en gömlu félagarnir unnu líka Öruggur sigur Arsenal á nýliðunum Þróttur fær tvo tíma á toppnum og Fylkir úr fallsæti Ronaldo þarf enn að bíða eftir titli þrátt fyrir tímamótamark Sjá meira