Fréttir

Ung­lingar bundnir og skildir eftir við heimili

Tveir unglingar voru bundnir þannig að þeir voru ósjálfbjarga og skildir eftir annars vegar fyrir utan heimili og hins vegar í kjallara fjölbýlishúss. Atvikin áttu sér stað á sitthvorum staðnum í Reykjavík. Málin eru bæði á borði lögreglunnar.

Innlent 2.10.2026 15:41

Fara fram á 16 ár yfir meintum morðingja

Héraðssaksóknari fer fram á sextán ára fangelsisvist yfir Georgios Ntentes sem er ákærður fyrir að hafa orðið Edilsson Martin Zingara að bana í nóvember 2025. Aðalmeðferðinni lauk í dag. 

Innlent 2.10.2026 15:39

Allir sau­tján frjálsir ferða sinna

Þeir tveir sem sátu eftir í gæsluvarðhaldi af þeim sautján sem voru upphaflega handteknir í tengslum við rannsókn lögreglunnar á sölu fíkniefna og peningaþvætti eru nú lausir og frjálsir ferða sinna. 

Innlent 2.10.2026 15:16

„Við erum ó­þolin­móð“

Hildur Ingvarsdóttir skólastjóri Tækniskólans segir að engum dyrum sé lokað þó að formlegar viðræður við Reykjavíkurborg séu hafnar um nýja staðsetningu skólans. Verið sé að skoða fleiri en einn möguleika í austurhluta borgarinnar og það sé lykiláhersla af beggja hálfu að vinna málið hratt.

Innlent 2.10.2026 14:54

Minni gjaldahækkanir kosti ríkis­sjóð 2,5 milljarða

Það myndi kosta ríkissjóð um tvo og hálfan milljarð króna að lækka fyrirhugaðar gjaldahækkanir úr 5,2 prósentum í 2,5 prósent, að sögn fjármálaráðherra. Hann segir svigrúm til þess í fjárlagafrumvarpinu og markmið um hallalaus fjárlög standi áfram.

Innlent 2.10.2026 14:23

Þetta eru stæðin sem borgin hefur endur­heimt

Fimmtán bílastæði í miðborg Reykjavíkur eru aftur komin í notkun eða verða opnuð á næstu dögum. Meirihluti umhverfis- og skipulagsráðs fagnar breytingunni en fulltrúar Samfylkingarinnar og Vinstrisins gagnrýna að útiborð og hjólabogar séu fjarlægð til að rýma fyrir bílum.

Innlent 2.10.2026 14:20

Segir á­greininginn í Lands­virkjun ekki snúast um arð­greiðslur

Stjórn Landsvirkjunar nýtur áfram trausts fjármálaráðherra þrátt fyrir ágreining hennar við Hörð Arnarson, fráfarandi forstjóra. Ráðherrann segir þær skýringar sem hann hafi fengið á ágreiningnum vera almenns eðlis en telur fulla ástæðu til að yfirfara málið.

Innlent 2.10.2026 14:11

Geri málið tor­tryggi­legt að neita að svara

Almannatengill og ráðgjafi segir framkomu formanns Flokks fólksins í umdeildu fréttamáli óvenjulega. Það geri málið tortryggilegt að neita að svara fréttamönnum auk þess sem það sé vanvirðing við fjölmiðla og þjóðina að segjast ekki hafa tíma til að ræða stórt fréttamál á sama tíma og formaðurinn veiti ítarlegt viðtal um tísku.

Innlent 2.10.2026 13:00

„Við höfum séð mikla aukningu á því á Ís­landi“

Formaður Matthildarsamtakanna segir mikla aukningu hafa orðið í notkun vímuefnisins 4CMC bæði hér á landi og á Norðurlöndunum undanfarið. Aðaláhættan við notkun efna sem þessa sé að fólk viti ekki hvað það sé að innbyrða.

Innlent 2.10.2026 13:00

Mennta­skóla­nemar mót­mæla: Ís­lensk stúlka varð fyrir tára­gasi

Aniella Lóa, dóttir Ásdísar Ólafsdóttur listfræðings, varð fyrir táragasi þegar hún sótti stúdentamótmæli í Frakklandi. Töluverð harka er komin í mótmæli menntaskólanema sem krefjast bætinga á skólaumhverfinu.

Erlent 2.10.2026 12:24

Ís­lensk skóla­stúlka varð fyrir tára­gasi í París

Kristrún Frostadóttir forsætisráðherra staðfestir að stjórnvöld séu reiðubúin að takmarka hækkanir á krónutölugjöldum við 2,5 prósent ef kjarasamningar halda. Þá séu á borðinu aðrar aðgerðir er varða félagslegt réttlæti sem verkalýðshreyfingin hafi barist fyrir auk svokallaðra einföldunarmála sem atvinnulífið hafi kallað eftir. Rætt er við ráðherra í hádegisfréttum Bylgjunnar.

Innlent 2.10.2026 11:50

Syrgði Sovét­ríkin og hótaði notkun kjarn­orku­vopna

Vladimír Pútín syrgði Sovétríkin sálugu á öryggisráðstefnu sinni í Moskvu í gær. Forsetinn sagði meðal annars að fall þeirra hefði verið harmleikur mikill og haft hræðilegar afleiðingar fyrir milljónir manna. Í sömu ræðu sagði Pútín mikil ósannindi um innrás Rússa í Úkraínu og hélt því fram að hann hefði engan áhuga á því að ráðast á annað ríki í Evrópu, í sama mund og hann hótaði beitingu kjarnorkuvopna gegn Evrópu.

Erlent 2.10.2026 11:15

Laug að Morgun­blaðinu um nýjan KFC-stað

Patrik Atlason, söngvari og KFC-erfingi, birti myndskeið og staðfesti í samtali við Morgunblaðið að opna ætti nýjan KFC-stað í húsnæði Lyfjavals við Hæðasmára í Kópavogi. Hann hefur nú beðist afsökunar á gríninu.

Innlent 2.10.2026 10:28

Stefna á þrjú þúsund hektara en endur­heimtu þrettán

Seinagangur í skipulagskerfinu og áhugaleysi landeigenda eru meðal ástæðna þess að mun hægar hefur gengið að endurheimta votlendi en stjórnvöld stefndu að. Aðeins þrettán hektarar voru endurheimtir í fyrra en stjórnvöld stefna á þrjú þúsund á ári til 2031.

Innlent 2.10.2026 10:02

Fær um­boðið í fangið fjórum dögum eftir upp­gjöf

Magdalena Andersson formaður Jafnaðarmannaflokksins í Svíþjóð fær stjórnarmyndunarumboðið á ný eftir að hafa skilað því fyrr í vikunni. Forseti sænska þingsins tilkynnti á blaðamannafundi í morgun að Andersson fái viku frá og með mánudegi til að reyna að mynda starfhæfa ríkisstjórn.

Erlent 2.10.2026 09:40

Ein mat­skeið og þá er dauðinn vís

„Ég hef lesið það að ef menn borða sem samsvarar einni matskeið af soðinni eða eldaðri viðarkveif (galerina marginata) sem er lítill brúnn sveppur sem er oft í kurlbornum göngustígum, þá er dauðinn nokkuð vís.“

Innlent 2.10.2026 09:11

Skipar sér­stakan sak­sóknara vegna hópnauðgunar við Cornell-háskóla

Kathy Hochul, ríkisstjóri New York, hefur skipað ríkissaksóknara New York sem sérstakan saksóknara til að rannsaka hópnauðgun á konu í Cornell-háskóla árið 2024. Gögn skólans í málinu varpa ljósi á það sem gerðist í aðdraganda þess að konan tilkynnti ofbeldið. 

Erlent 2.10.2026 09:09

Beint: Opið mál­þing um heimilisleysi

Reykjavíkurborg býður í dag til opins málþings um heimilisleysi frá klukkan 9:00 til 12:00 í Tjarnarsal Ráðhúss Reykjavíkur. Þar á að ræða hvernig samfélagið getur betur mætt fólki sem glímir við heimilisleysi. Fundurinn verður einnig í streymi á Vísi.

Innlent 2.10.2026 08:46

„Vissi að ég var ekki að haga mér eins og venju­legt fólk“

Leiðir Kristínar Svafarsdóttur og Þorbjargar Valgeirsdóttur lágu fyrst saman fyrir um áratug þegar Þorbjörg starfaði á Landspítalanum og Kristín var þar, afar veik af fíknisjúkdómi. Í dag er Kristín edrú, að læra til sjúkraliða og vill miðla reynslu sinni í þeirri von að aðrir sem veikir eru sjái að þau eigi möguleika til betra lífs.

Innlent 2.10.2026 08:02

Lægð suð­vestan úr hafi væntan­leg til landsins

Það verða víða skúrir í dag og sunnanátt en þó síst á Norðaustur- og Austurlandi. Það verður hlýjast norðaustantil. Skriðuviðvaranir eru enn í gildi á Suðausturlandi, Austfjörðum og á sunnanverðu Miðhálendi fram á föstudagsmorgun.

Innlent 2.10.2026 07:28

Hvað þýðir sjö í nýju náms­mati?

Mennta- og barnamálaráðuneytið segir markmið fyrirhugaðra breytinga á námsmati við lok grunnskóla að gera framsetningu einkunna skýrari og samræmdari og þannig stuðla að auknu jafnræði nemenda, óháð því hvaða skóla þeir sækja. Þetta kemur fram í tilkynningu frá ráðuneytinu en þar er einnig farið ítarlega yfir merkingu hverrar einkunnar fyrir sig.

Innlent 2.10.2026 07:14